Ah’ve niver wrote in Scots afore the day.
I’ll see the road it taks me, good or ill.
In skyill, the English tongue wis heard, until
We’d skailed, then swapp’t wir speakin’ in wir play.
 
We kent whit words tae use, and when, some wey.
Rich-tastin’ souns we moothed tae get wir fill.
Ah’ve niver wrote in Scots afore the day.
I’ll see the road it taks me, good or ill.
 
Clipe, glaikit, wersh or scunnert, sleekit, may
Beflum the English, unnerstaunin’ nil
Of whit we say, an’ that’s the wey o’t, till
We pity them, explainin’ whit we say.
Ah’ve niver wrote in Scots afore the day.
I’ll see the road it taks me, good or ill.
 
Glossary:
Ah’ve niver – I’ve never
Afore – before
The day - today
Road – way
Taks – takes
Skyill - school
Skailed – exited
Wir - our
Kent – knew
Whit – what
Some wey - somehow
Moothed - mouthed
Clipe – a telltale person, an informer
Glaikit - stupid
Wersh – bitter, sour
Scunnert – strong disliking
Sleekit – sly, smooth, shifty
Beflum – confuse
The wey o’t – how it is